ព្រះវិហារ : លោក សួស យ៉ារ៉ា អ្នកតំណាង​រាស្ត្រ​មណ្ឌលខេត្ត​ព្រះវិហារ​បានប្រកាស​ថា ចំពោះស្រូវសិរីរាង្គរបស់ប្រជាកសិករនៅក្នុងខេត្ត បើសិនជាខ្វះទីផ្សារពេលណា គ្រួសារភរិយារបស់លោក ទទួលជាទីផ្សារទិញទាំងអស់អត់ឲ្យសល់ ឬក៏អ្នកណាមកចលនាថោកថ្លៃបានទេ អ្នកណាមិនទិញ សល់ប៉ុន្មានគឺយកទៅរោងចក្ររបស់លោកនៅខេត្តបាត់ដំបងទាំងអស់ គឺលោកទទួល១០០%អត់ឲ្យខ្វះទេ។ នេះបើតាមការអះអាងរបស់មន្ទីរកសិកម្ម រុក្ខាប្រមាញ់ និងនេសាទ ខេត្តព្រះវិហារ។

តាមប្រភពខាងលើបានឱ្យដឹងទៀតថាម៉ាស៊ីនកិនស្រូវរបស់លោក  លោក សួស យ៉ារ៉ា  មានបច្ចេកវិទ្យារបស់ប្រទេសជប៉ុន បច្ចេកវិទ្យាសម្ងួតរបស់កូរ៉េ ហើយមានទីផ្សារនៅប្រទេសចិនសម្រាប់ការនាំចេញ ហើយរោងម៉ាស៊ីនកិនស្រូវរបស់លោកអាចធ្វើបាន៥ម៉ឺនតោនក្នុងមួយឆ្នាំផងដែរ៕

^{ប្រភព: រដ្ឋបាលខេត្តព្រះវិហារ}